السيسي : “الدولة في مرحلة التفاوض حول سد النهضة ”
الثلاثاء 28 يوليو 2020 - 11:37
قال الرئيس عبد الفتاح السيسي:” إن الدولة في مرحلة التفاوض بشأن سد النهضة ، والتفاوض معركة هتطول ولن نمضي على شيء ليس به مصحلة، واللى قلقانين ده صح والإجراءات أن كل واحد في موقعه يشتغل كويس محدش ينام.
وتابع الرئيس السيسي، خلال افتتاح منطقة الروبيكي الصناعية، مصر تقوم بتوفير العديد من الإجراءات ونحن حريصين على العمل من خلال التفاوض، قائلا:”الأسد محدش بياكل أكله والأسد مش كلام، وكل واحد في موقع يبقي أسد وحقنا في الحياة محدش يقدر يجور علينا ولا على مصالحنا ولا على أمننا القومي وأنا بطمن المصريين أهلي وحبايبي”.
وأكد السيسى أن:”الدولة واخدة بالها من بدري أوي وبيتعمل شغل في الموضوع ده ولكن الناس مش منتبهة أن ده بيتعمل في إطار خطة استراتيجية من محطات تحلية للمياه ومصر تعتبر من الدول الأكثر إدارة لاستخدام المياه”.
وتابع الرئيس خلال افتتاحه المنطقة الصناعية في الروبيكي:”قطاع زي الزراعة مثلا بنعمل مشروع 20 ألف تبطين للترع وكل مسار بيتعمل أهالي القري يساهموا أنهم يشتغلوا معانا لإنهاء المرحلة الأولي من مشروع التبطين ويجب عدم التعدي على الجسور وإقامة منشآت فوقها”.
وأكمل الرئيس السيسي:”عايزين نعمل ري حديث عشان نوفر كل نقطة مياه لأن حجم الزيادة السكانية يتطلب مياه، حجم الاستثمارات وصلت لتريليون جنيه حتي عام 2037″.
مواضيع مرتبطة